Pas miratimit të Rezolutës së Kuvendit të Kosovës ditën e sotme për pezullim të dialogut me Serbinë, deri në lirimin e ish-kryeministrit Ramush Haradinaj, ka reaguar Bashkimi Europian. Sipas BE-së, rezoluta nuk është në përputhje me angazhimin e Prishtinës zyrtare, ndërsa thirrja për ndërprerje të bisedimeve me Serbinë nuk ndihmon. Nga ana tjetër, Bashkimi Europian thekson se, liderët duhet të angazhohen në mënyrë konstruktive në dialog.
Kuvendi i Kosovës miratoi sot një rezolutë që kërkon lirimin e kreut të AAK-së, Ramush Haradinajt. Nga 79 deputetë që ishin në sallë, 78 kanë qenë “pro” rezolutës, ndërsa vetëm një ka qenë kundër. Ndër të tjera, kjo rezolutë parasheh edhe pezullimin e dialogut me Serbinë deri në lirimin e ish-kryeministrit të Kosovës, Haradinaj.
Ja pikat e rezolutës
Lirimi i pakusht i Ramush Haradinaj të ndodhë sa më shpejt dhe të konsiderohet detyrë primarë shtetërore.
Pezullimi i dialogut me Serbinë deri në lirimin e Haradinjat.
Qeveria të kërkojë nga BE që të pastroj listat e fletë-arresteve nga Serbia për qytetarët e Kosovës.
Qeveria dhe institucionet e Kosovës të marrin veprimin dhe të informojë shtetet tjera që refuzon juridiksionin e njëanshëm të Serbisë.
